Willemstad – Den e próksimo simannan lo hasi trabounan di mantenshon na e murayanan di e edifisio di Archivo Nashonal (Bolo di Batrei) na Scharlooweg.
E trabou aki lo kousa interupshon den nos edifisio te fin di febrüari. Pa seguridat di tantu nos personal komo nos klientenan, nos no por risibí nos klientenan den nos salanan di lesamentu temporalmente manera kustumber.
Pa kumpli ku nos obligashonnan i sigui duna servisio na nos klientenan, nos ta ofresé servisio digital temporalmente. Klientenan por email nan petishonnan òf preguntanan na [email protected].
Nos personal lo evaluá kon nan por yuda digitalmente. Si sosten digital no ta posibel, lo programá un sita ku e kliente i lo pone un espasio disponibel pa investigashon, denter di nos kapasidatnan.
Nos diskulpa pa e inkonveniensia y ta pidi komprenshon y pasenshi di nos klientenan. E edifisio di Bolo di Batrei ta e edifisio di mas balioso den nos stat, i nos mester mantené kuidadosamente pa nos por sigui yama nos bishitantenan bon biní den un ambiente agradabel.
