Kas Habrí Archivo Nashonal 27 di novèmber 2022
10:00-16:00
Bo konosé e “Bolo di Batrei” aya na Scharlooweg?
Djadumingu 27 di novèmber próksimo, entre 10:00 i 16:00 or, bo ta bonbiní pa sera konosí ku nos monumento “Bolo di Batrei” kaminda archivonan balioso di Kòrsou ta ubiká. Riba e dia aki e personal di Archivo Nashonal lo para kla pa risibí pueblo di Kòrsou kompletu i duna splikashon di i tur e trabounan balioso ku ta keda hasí na Archivo Nashonal.
Ademas lo tin un programa di charla i presentashon masha interesante.
| 10:00-10:45 | Charla | Kon pa Traha mi Pal'i Famia | Erwin Gibbes of Modianne Cathalina |
| 11:30-12:00 | Presentashon di publikashon | Nieuw Nederland, e bario serka Avila Beach Hotel, fundá riba Honor i Humildat | Maria Liberia Peters |
| PAUZE | |||
| 13:00-13:30 | Presentashon di publikashon | Historia di Refugiadonan riba e barku “Cabo de Hornos" | Ron Gomes Casseres |
| 13:45-14:30 | Charla | Desaroyo di Bario na Kòrsou | Lionel Janga |
| 14:45-15:15 | Presentashon di Website Kantikanan di mucha | DBase Kantikanan di mucha | Rose Mary Allen, Nethiën Eusenia i Radhaymis Mendoza Guzman |
| 15:15-16:00 | Charla | Otrobanda meimei den siglo 20 | Percy Pinedo |
Tambe lo tin benta di buki
Benta di sòpi i kuminda i bibida
Un invitashon kòrdial ta bai na pueblo di Kòrsou en general
