E diskushon pa krea un konekshon permanente ta data for di añanan '30. E oumento di tráfiko di barku dor di yegada di refineria i tambe e oumento di e tráfiko di outo tabata kousa filanan i tempunan di espera largu riba Handelskade. Ora ku brùg Emma, òf e brùg frakasá manera tabata yam’e den bok’i pueblo, tabata habri pa un barku por pasa, bo por a haña bo ta sinta warda den outo te asta 45 minüt. Den transkurso di añanan a krea diferente plan pa krea un brùg permanente ofer di Bahia di Santa Ana, òf asta un tùnel bou di e bahia, serka banda di Waterfort i Riffort. Den e galeria di portrèt aki bou por mira algun di e diseñonan di brùg ku a traha entre 1946 i 1961. Finalmente a skohe e diseño di un brùg haltu di stal di 1961. Na 1962 a kuminsá ku e trabounan di fundeshi. Na 1964 a traha e partinan/sekshonnan di stal na Hulanda i a transportá esakinan via barku pa Kòrsou. Despues ku a kaba di konstruí e pianan di e brùg na 1966, a kuminsá monta e 25 sekshonnan n’e banda di Punda. Na momentu ku a bai pega e di binti tres sekshon, riba 6 di novèmber 1967, e baki di karga ku tabata ankra n’e mitar di brùg ei a kibra i 1600 tòn di stal a dònder bin abou ku hopi bochincha na banda i den Bahia di Santa Ana. E brùg a kai i diessinku di e personanan ku tabata traha riba brùg a muri durante e katástrofe aki.
Despues ku un komishon di investigashon a reportá e kousanan di e katástrofe, a kuminsá monta e brùg di nobo na 1969. E biaha aki a kuminsá konstruí n’e banda di Otrobanda. Na 1972 a kaba di konstruí e brùg. I mas despues a finalisá e infrastruktura di kaya pa yega i krusa e brùg. Dia 2 di mart 1974 e brùg a habri pa tráfiko di outo. E apertura ofisial a tuma lugá dia 20 di aprel 1974.
Pa mas informashon:
Archivo Nashonal Kòrsou. Kolekshon di Portrèt/fotográfiko: DOW, Fischer, Ter Hart, Scriwanek.
Brùg Reina Juliana
Queen Juliana bridge
Discussions for a fixed connection between Punda and Otrobanda started in the thirties. As a result of the booming oil refinery, increased shipping and increased traffic caused serious traffic jams on “de Handelskade”. Waiting time in the traffic jam could run up to 45 minutes. Various plans for a permanent bridge over the Anna Bay or even a tunnel under the Anna Bay, were made up between 1946-1961. The picture gallery shows some designs that were made. The 1961-design was finally approved. The groundbreaking began in 1962. In 1964, the 50 steel sections were built in the Netherlands and were shipped to Curaçao. After construction of the concrete abutments, the mounting of the steel sections began in 1966. Construction started with the 25 sections on the Punda side. When applying section 23, the construction collapsed on November 6, 1967. 1600 tons of steel came thundering down, partially in the Anna Bay. The bridge had collapsed. 15 bridge builders had perished in this disaster.
After an inquiry into the causes of collapse, the rebuilding started in 1969 and finished in 1972. Roads and additional works were completed two years later. The bridge was opened to traffic on March 2, 1974. The official opening took place on Queen's Day, April 30, 1974.
More info at:
National Archives Curaçao. Photos: collection DOW, Fischer, Ter Hart, Scriwanek.
